اشهر 25 جذبة عند الشباب

السلاااااااااامــ عليكمـــ و رحمهــــ

اهداااء خاص لشبااب المنتدى خخخخخخخخخخخ ..
منقوووووووووووووووول


-1حبيبتي تدرين والله انا ماعندي حركات الشبااب .. ماكلم بنات.. اصلا ماحب هالحركات..

(( باااااااااين وانت كل بنات العالم يعرفونك ))


2- مادري حبيبتي احس اني اعرفج من زمااان

(( لا يمكن ملخبط بينها وبين وحده كنت تعرفها اول .. يمكن في شبه ))



3- حبيبتي احس انج غير عن كل البنات احس انج مختلفه وغير عنهم

((ليش فوق راسها ريشه و لا من كوكب ثاني ))



4-حبيبتي والله احس في اشياء كثيرة انا وانتي نتشابه فيهااا .. كأننا شخص واحد

(( سبحان الله اخوها في الاسلام لازم يكون في شبه ها ها هاااي ))


5-ياريتني ياقلبي عرفتج من زمان

(( مب مشكله كان عندج زحمه ))



6- حبيبتي انتي تامرين قلبي امر .. كل اللي تقولينه البيه

(( صح في الاحلام اكيد ))



7- حيااتي ابيج تتغطين عشان ما احد يشوفج غيري لاني اغاار

((لا يا حرااااام الغيرة حرقت قلبك حرق ))



8- ابيي اخطبج من اهلج بس بعد ما اكون نفسي


(( عيل من تكوون هع هع بس صح تكسر الخاطر فلوسك كلها على الجوال والسيارة وعزايم ربعك و و و الخ ))


9-يا قلبي ابغى اشوفج باقرب وقت ماقدر على الشوق اللي ذبحني

((يبغى اصحابه يتأكدون انها حلوة ))



10 - انا احب الشعر ومن هواياتي الرسم والسباحه

(( لا رومنسي الحبيب ))



11- حبيبتي حطي في بالج ترى انا اذا حبيت حبيت من كل قلبي

(( اقول بس اي قلب فيهم ؟!!!! ))



12- علاقتي فيج محد يدري فيها ابد لانها تعتبر من اهم خصوصياتي

(( بس عادي كل ربعــه يدرون .. لانهم مو اي احد ))



13- شكلي حبيبتي راح بنقع لي جاكوار من الوكاله

((اذا مو هوندا موديل 76 من الحراج ))


14 - احتمال اروح سويسرا الصيف الياي

(( ايــــــــــه هيــــــن <<<< بس قولها الموبايل مب وياك لانه مايشتغل في البلاد))



15- دايم اشتري عطوري من تناغرا

(( الحمدلله والشكر ))



16- لما اشوف رقمج في موبايلي قلبي يفز من مكانه

(( اكييد .. خايف تكون كشفت ملاعيبك ))



17- فلان قال لي اعطيه رقمج .. بس انا قلت له اذبحني قبل ماتاخذ رقمها مني

(( هاهاااي يا مضحي انت يا شجااع .. هذا اذا مو كل الشباب يعرفون رقمها المسكينه ))



19 - حبيبتي ابغي صورتج اخليها عندي عشان قبل ما انام اشوفها واحطها تحت راسي وانام

(( لا وانت الصاج عشان يوم تمل منها تهددها ))



20- اسف حبيبتي امس ما اتصلت لج بس كنت مشغووووول واااااااااايد مع الدراسه

(( باين يا نيوووتن انـــــــــت ))



21- تدرين حبيبتي انا دايما البنات في المجمع يطلبون رقمي ... بس انا ماعطيهم فيــس دام انتي حبي

(( هاهاااي .. الترتيب الصحيح للجمله .. دايماا انا الحق البنات بس مايعطوني فــــيس ))



22- والله حبيبتي كان ودي ايي عالموعد اليوم بس صارت ظروف صعبة واااااااايد وماقدر اييج

(( ايه صح تذكر موعده مع خويته الثانيه اللي واعدها 10 مرات وخلف وعده ))



23- امس مانمت... طول الوقت افكر فيج... اخذتي عقلي حبيبتي

(( الا قصدك نمت وحلمت وشبعت نووم ولا تدري عنهاااا اصلاً ))



24- انتي احلى بنت شفتها بحياتي ماظن القى احلى منج

(( ليش متعرف على ملكة جمال الكون واحنا ماندري؟؟))



25- الظاهر بشتري كمبيوتر يديد... كمبيوتري صار له شهرين معاي وكمبيوتراخوي مايعجبني والكمبيوتر الثاني ماتأقلمت معاه

((ماشاء الله وكالة كمبيوتراات ....اراهن بعمري على انه كمبيوترك قديييييييم من العصر الجاهلي وماعندك غيره كل ماخرب صلحته))


السموووووووووووووحه منكم يا الشباب و انا واثقه ان مب الكل جذي ف بليييييييييز ما ابي حد يزعل لان هذي مجرد سوالف........
أميرة في سمو ذاتى